Dyniaethau Israddedig

Mae'r Brifysgol yn seiliedig ar dair cyfadran, a byddwch chi'n ymuno â Chyfadran y Dyniaethau a'r Gwyddorau Cymdeithasol (FHSS). Mae pedair ysgol gan y Gyfadran:

• Yr Ysgol Diwylliant A Chyfathrebu

• Ysgol Y Gyfraith Hillary Rodham Clinton

• School Of Management

• Ysgol y Gwyddorau Cymdeithasol

Yn ystod eich amser yma, cewch eich addysgu yn eich ysgol gartref, neu eich ysgolion cartref os ydych yn rhan o raglen gydanrhydedd, ond rydym ni i gyd yn rhan o gymuned fywiog y gyfadran. Mae hyn yn golygu y bydd llawer o ddigwyddiadau cymdeithasol, academaidd a chymunedol yn cael eu cynnal i'r gyfadran gyfan drwy gydol y flwyddyn, lle cewch gyfle i gwrdd, cymdeithasu a dysgu gyda chydweithwyr a myfyrwyr o'r Ysgolion eraill.

Bydd llawer o gyfleoedd yn ystod yr wythnos sefydlu i gwrdd â'r bobl ar eich cwrs. Bydd sesiynau sefydlu eich adran yn cynnwys gweithgareddau a fydd yn rhoi cyfle i chi ryngweithio â llawer o bobl wahanol. Gwnewch yn siŵr eich bod yn cyfnewid manylion â phobl yr hoffech eu hadnabod yn well! Fel y gwelwch o amserlen yr wythnos groeso, mae digon o gyfleoedd i gwrdd â phobl eraill yn eich rhaglen, eich Ysgol ac yn y Brifysgol ehangach. Pan fydd y sesiynau addysgu'n dechrau, bydd rhagor o oriau cyswllt ffurfiol gennych pan fyddwch yn cwrdd â llawer o fyfyrwyr eraill - peidiwch â bod yn rhy swil i awgrymu cwrdd am baned neu aros i gael sgwrs ar ôl darlithoedd. Os ydych chi’n byw yn llety'r Brifysgol, bydd myfyrwyr eraill o'ch amgylch a chewch bob cyfle i wneud ffrindiau.

Byddwch yn cwrdd â llawer o’ch darlithwyr yn ystod y rhaglen sefydlu a drefnir gan eich adran. Bydd llawer o’r gweithgareddau cynlluniedig yn eich helpu i ddod i adnabod eich darlithwyr a dod i wybod ychydig amdanynt. Byddwch hefyd yn cwrdd â’ch mentor academaidd yn ystod eich wythnos sefydlu.

Bydd eich mentor yn goruchwylio eich cynnydd academaidd drwy gydol eich gradd a’ch helpu i’ch tywys drwy eich astudiaethau. Unwaith bydd yr addysgu’n dechrau, ynghyd â’r addysgu ar eich amserlen, bydd eich darlithwyr yn cynnal oriau swyddfa rheolaidd lle byddwch yn gallu cysylltu â nhw i drafod cwestiynau neu bryderon – neu hyd yn oed i gael sgwrs am rywbeth diddorol a drafodwyd yn y dosbarth!

Pan fyddwch chi’n cychwyn yn y Brifysgol caiff Tiwtor Personol ei bennu i chi, fel arfer aelod o staff addysgu yn eich adran. Bydd yn cysylltu â chi trwy eich cyfeiriad e-bost y Brifysgol er mwyn trefnu cyfarfodydd drwy gydol y tymor a bydd modd iddo eich cefnogi chi gydag ystod o ymholiadau gan gynnwys; cyfeiriadu i gymorth bugeiliol, arweiniad academaidd, cyflogadwyedd a mwy.

Gallwch gael enw eich tiwtor a’i fanylion cyswllt drwy fewngofnodi i’ch tudalen unigol ar y fewnrwyd, o dan Manylion Cwrs > Cysylltiadau Cwrs. 

Mae ymuno â Chymdeithas Undeb y Myfyrwyr yn ffordd wych o gael eu plygu i gymuned ehangach y Brifysgol a chwrdd â phobl o'r un anian. Mae amrywiaeth eang o chwaraeon a chymdeithasau ar gael - o Rygbi i Ryfeloedd Robot, Pobi i Iaith Arwyddion Prydain, Te i Goed, Dawns i Awduron Marw... mae yna rywbeth i bawb! Mae gan bynciau academaidd hefyd eu cymdeithasau dan arweiniad myfyrwyr eu hunain sy'n chwarae rhan weithredol mewn trefnu gweithgareddau sy'n gysylltiedig â'u maes pwnc. Am restr lawn o gymdeithasau a'u manylion cyswllt, gweler tudalen we Cymdeithasau Undeb y Myfyrwyr.

Gall eich Tîm Cymorth a Gwybodaeth Myfyrwyr Ysgol ddarparu cefnogaeth ac arweiniad ar ystod o bynciau, gan gynnwys lles, anabledd, trosglwyddiadau cwrs, amgylchiadau allwthio, monitro ymgysylltu / presenoldeb a mwy! Os oes gennych unrhyw gwestiynau am y Brifysgol, profwch anawsterau sy'n effeithio ar eich astudiaethau neu eich bywyd personol, gall y tîm gynnig cymorth neu gyfeirio at gymorth priodol yn y Brifysgol. Os oes gennych ymholiadau ac apwyntiadau cysylltwch â: studentsupport-socialsciences@swansea.ac.uk. Unwaith y byddwch chi'n Abertawe, gallwch alw i'w gweld yn y Swyddfa Gwybodaeth i Fyfyrwyr, Adeilad Technium Digidol ar Gampws Singleton, neu yn yr Ysgol Reolaeth, Campws y Bae, o ddydd Llun i ddydd Gwener 9am-4pm.

Gallwch hefyd ddod o hyd i wybodaeth am wahanol wasanaethau cymorth y Brifysgol a rhai adnoddau hunangymorth ar dudalennau gwe BywydCampws y Brifysgol.

Mae Prifysgol Abertawe yn cydnabod y gall fod cyfrifoldebau gofalu gan lawer o’n myfyrwyr. Ein nod yw darparu amgylchedd croesawgar ar gyfer ein holl fyfyrwyr ac rydym am dy gefnogi i gyflawni llwyddiant.

Er ein bod yn cefnogi ac yn hyrwyddo gweithgarwch addysgol, mae’r Brifysgol yn weithle ac nid yw ei hadeiladau, ei gweithgareddau a’i mesurau rheoli risg ar gyfer plant yn gyffredinol. Sylwer na ddylid dod â phlant i fannau dysgu ac addysgu (oni bai fod digwyddiad wedi’i drefnu): Plant ym Mangreoedd y Brifysgol  

Mae Meithrinfa Undeb y Myfyrwyr yn darparu gofal plant fforddiadwy o safon ar Gampws Singleton i blant rhwng 3 mis oed tan eu pen-blwydd yn 8 oed. Am ragor o wybodaeth am ofal plant ac ysgolion, gweler tudalennau gwe’r Cyngor:

Cyngor Dinas a Sir Abertawe

Cyngor Castell-nedd Port Talbot

Os wyt ti'n fyfyriwr yn y DU, edrychwch ar ganllaw'r Brifysgol i gyllid myfyrwyr ar gyfer myfyrwyr sy'n rhieni. Rydym hefyd wedi llunio Canllaw Gwybodaeth i Deuluoedd cynhwysfawr i’n myfyrwyr rhyngwladol.

Am wybodaeth a chymorth i fyfyrwyr beichiog, cer i’n tudalennau gwe.

Os oes cwestiynau gennyt ti ynghylch yr wybodaeth yn yr e-bost hwn, cysyllta â thîm cymorth dy Gyfadran.

Ewch i dudalennau gwe Cofrestru y Brifysgol er mwyn derbyn arweiniad ar sut i gofrestru.

Os byddwch chi’n profi anawsterau o ran cofrestru ar-lein, e-bostiwch MyUniHub a bydd y tîm yn hapus i’ch helpu chi.

Bydd eich sesiwn 'Camau Cyntaf' yn ystod yr Wythnos Groeso yn cyflwyno'r prif blatfformau TG rydym yn eu defnyddio yn y Brifysgol, a bydd eich darlithwyr yn rhoi gwybod i chi am unrhyw feddalwedd benodol i'r cwrs y byddwch yn ei defnyddio wrth astudio.

Cyn i chi gyrraedd, gallech chi baratoi drwy lawrlwytho Canvas, ein platfform dysgu digidol. Bydd tudalennau ar Canvas ar gyfer pob un o'ch modiwlau, lle bydd llawer o'r adnoddau dysgu y bydd eu hangen arnoch chi'n cael eu storio. Hefyd, bydd gennych fynediad at Hyb yr Ysgol ar Canvas, sef eich siop dan yr unto ar gyfer gwybodaeth, adnoddau, manylion cyswllt a digwyddiadau allweddol yn yr Ysgol, y Gyfadran a'r Brifysgol drwy gydol eich astudiaethau.

Mae'r Brifysgol yn cynnal llawer o gyfarfodydd, cynadleddau a sesiynau gwybodaeth drwy Zoom, felly mae'n syniad da lawrlwytho hwn. Ar ôl i chi gofrestru, byddwch yn gallu mewngofnodi gan ddefnyddio eich cyfrif yn y Brifysgol ar eich cyfrifiadur, eich llechen neu eich ffôn. Os nad ydych yn gyfarwydd â Zoom, mae'r Brifysgol wedi llunio gwybodaeth bellach a chanllawiau i ddefnyddwyr.

Bydd blwyddyn academaidd 2022/2023 yn cychwyn ar 26 Medi 2020. Bydd yr addysgu’n dechrau ar Ddydd Llun 3 Hydref, a gobeithiwn erbyn diwedd Wythnos y Glas / Wythnos Groeso y byddwch wedi paratoi’n dda ac yn barod i ddechrau eich astudiaethau. Ceir amserlen dyddiadau'r tymhorau lawn.